Stjórnarfundur hjá Félagi stjórnsýslufræðinga , 19. júní 2014
Staður: Tryggvagata 19, Tollhúsið, 1. hæð.
Tími: 12.00-13.00
Mætt: Bergný Jóna Sævarsdóttir sem ritaði fundargerð, Daldís Guðmundsdóttir, Elvar Örn Arason og Guðbjörn Guðbjörnsson.
- 1. Ný skipan stjórnar
Í stjórn félagsins eru: Elvar Örn Arason, formaður, Bergný Jóna Sævarsdóttir, Gestur Páll Reynisson, Guðbjörn Guðbjörnsson og Dóra Magnúsdóttir. Í varastjórn eru: Daldís Ýr Guðmundsdóttir og Rósa Bergþórsdóttir
- 2. Verkaskipting stjórnar
Stjórn skipti með sér verkum á eftirfarandi hátt.
Elvar Örn Arason var kosinn formaður á aðalfundi félagsins.
Varaformaður og gjaldkeri: Gestur Páll Reynisson
Félagaskrá: Guðbjörn Guðbjörnsson
Vefstjóri og umsjón fréttabréfa: Dóra Magnúsdóttir
Ritari: Bergný Jóna Sævarsdóttir
- 3. Nýir félagsmenn
Formanni er falið að útbúa bréf til nýrra stjórnsýslufræðinga þar sem þeim er boðin aðild að félaginu ásamt hamingjuóskum.
- Stefnumótunarfundur í haust
Stefnt er að stefnumótunarfundi 7. september 2014.
- 5. Starfið framundan
Stefnt er að hádegisfundum líkt og á síðasta starfsári. Hugmyndir eru um að hafa einn að hausti og annan að vori. Einnig er vilji til að halda stærri ráðstefnu eða málstofu.
Ræddar voru hugmyndir að fundarefni þar sem byggðarpólitík, skattaívilnanir og rafræn stjórnsýsla var m.a. nefnt.
- 6. Önnur mál
Elvar ætlar að koma með hugmyndir/sýnishorn af kynningarspjaldi/gardínu fyrir félagið og fá tilboð.
Bergný ætlar að athuga leiðbeiningar um hlutverk innan stjórnar og kanna hvernig heimasvæði Félags um skjalastjórn er sett upp og kynna fyrir stjórn.
