Fundur Félags stjórnsýslufræðinga á Kex hosteli fjallaði um starfslok opinberra starfsmanna. Fundurinn var fjölmennur en um 70 manns sóttu fundinn.

Vigdís Hauksdóttir, þingmaður Framsóknarflokksins og formaður fjárlaganefndar,  telur að minnka eigi muninn á opinbera og almenna markaðnum. Vigdís og Guðlaugur Þór Þórðarson hafa lagt fram frumvarp sem auðveldar forstöðumönnum ríkisstofnana að ráða og segja upp starfsfólki, en opinberir starfsmenn njóta almennt meiri verndar en þeir sem á almennum vinnumarkaði starfa. Markmið frumvarpsins er að auðvelda forstöðumönnum ríkisstofnana að ráða og reka starfsmenn en Vigdís segir hendur þeirra bundnar. 

Þórunn Sveinbjarnardóttir, formaður Bandalags háskólamanna, óskaði eftir því á fundinum að Vigdís afturkalli frumvarpið og segir það missa marks. Þórunn óskar eftir því að breytingar verði í staðinn gerðar á lögum um opinbera starfsmenn.

Sjá umfjöllum Spegilsins um fundinn.

Deila

Hádegisfundur á vegum Félags stjórnsýslufræðinga verður haldinn 8. október kl. 12.00 – 13.30 á Kex hosteli, Skúlagötu 28.

Vig­dís Hauks­dótt­ir, formaður fjár­laga­nefnd­ar Alþing­is, og Guðlaug­ur Þór Þórðar­son, vara­formaður nefnd­ar­inn­ar, hafa lagt fram frum­varp um breyt­ingu á ­lög­unum sem mun auðvelda forstöðumönnum opinberra stofnanna að segja upp starfsmönnum. Þetta mun færa opinbera vinnumarkaðinn nær hinum almenna vinnumarkaði. Vig­dís seg­ir að breytingarnar muni leiða til betri rík­is­rekst­urs og auðvelda for­stöðumönn­um stofn­ana að bregðast við hagræðing­ar­kröfu.

Starfsmannalögin (nr. 70/1996) kveða á um réttindi og skyldur starfsmanna ríkisins. Samkvæmt lögunum njóta ríkisstarfsmenn verndar í starfi umfram launþega á almennum vinnumarkaði. Rökin fyrir því að ríkisstarfsmenn eigi að njóta sérstakrar verndar í starfi eru einkum þau að nauðsynlegt sé að opinber starfsmaður geti sinnt starfsskyldum sínum án þess að óttast að valdhafar beiti hann þrýstingi, t.d með því að hóta, beint eða óbeint, að segja honum upp störfum.

Hádegisverðarfundi Félags stjórnsýslufræðinga er ætlað að bregða ljósi á þetta mál. Vigdís Hauksdóttir mun skýra frá breytingartillögunni og formaður Bandalags háskólamanna, Þórunn Sveinbjarnardóttir, mun skýra frá afstöðu BHM en innan þess starfa margir starfsmenn í opinberri þjónustu.

Boðið verður upp á súpu dagsins og brauð á 1.700 kr. Fundurinn hefst kl. 12 og stendur til 13.30. Þeir sem hyggjast sækja fundinn eru beðnir um að skrá sig á netfangið stjorn@stjornsysla.is fyrir miðnætti miðvikudaginn 7. október. Greitt er fyrir mat á staðnum.

Fundarstjóri verður Gestur Páll Reynisson, stjórnarmaður í Félagi stjórnsýslufræðinga.

Frekari upplýsingar um fundinn veitir Elvar Örn Arason í síma 894 2409 eða í gegnum tölvupóst elvaroa@gmail.com.

Deila